Қара жерден шырын сауған «Жұмыспен қамту жол картасы-2020» мемлекеттік бағдарламасы аясында жа-қында күрделі жөндеуден өткен әл-Фараби көшесін бойлап, батыс бағытқа қарай жүре қалсаңыз, қолыңыздың сол жағындағы қаз-қатар тізілген үйлердің бірінің бау-бақшасы сіздің назарыңызды аудармай қоймайды. Тіктөртбұрыш формасында түзу түс-кен бақша, бейне жеміс-жидегі төгілген әдемі дастарқан секілді! Таңқурай, содан соң қызылды-жасылды бұрыштар, жап-жасыл жапырақтардың арасынан шуақты күннен нарттай қызарған қызанақтар, басбармақтай болып бөрткен бүлдірген, бұтақтарын майыстырған алма, өрік, алмұрт... бәрі табылады. Жемісі де көкөнісі де төгілген осынау мол «дастарқанның» иесі, белгілі кәсіпкер Нұржамал Сәбетқанқызы Хайруллина бақша баптаудың сырымен бөлісті.